KALABURAGI DISTRICT REPORTED CRIMES

ಆಕ್ರಮವಾಗಿ ಮರಳು ಸಾಗಿಸುತ್ತಿದ್ದ ಟ್ರ್ಯಾಕ್ಟರಗಳ ಜಪ್ತಿ :

ಅಫಜಲಪೂರ ಠಾಣೆ : ದಿನಾಂಕ 28-04-2019 ರಂದು ಕೂಡಿಗನೂರ ಗ್ರಾಮದ ಭೀಮಾ ನದಿಯಲ್ಲಿ ಅಕ್ರಮವಾಗಿ ಟ್ರಾಕ್ಟರದಲ್ಲಿ ಮರಳು ತುಂಬುತ್ತಿದ್ದಾರೆ ಎಂದು ಮಾಹಿತಿ  ಬಾತ್ಮಿ ಬಂದ ಮೇರೆಗೆ ಪಿ.ಎಸ್.ಐ. ಅಫಜಲಪೂರ ಹಾಗು ಸಿಬ್ಬಂದಿ ಮತ್ತು ಪಂಚರೊಂದಿಗೆ ಕೂಡಿಗನೂರ ಗ್ರಾಮದ ನದಿಯಲ್ಲಿ ಹೋಗಿ ನೋಡಲಾಗಿ ಭೀಮಾ ನದಿಯಲ್ಲಿ ಒಂದು ಟ್ಯಾಕ್ಟರದಲ್ಲಿ ಮರಳು ತುಂಬುತ್ತಿದ್ದರು, ಆಗ ನಾವು ಟ್ಯಾಕ್ಟರ ಹತ್ತಿರ ಹೋಗುತ್ತಿದ್ದಂತೆ ಸದರಿ ಟ್ಯಾಕ್ಟರ ಚಾಲಕ ನಮ್ಮನ್ನು ನೋಡಿ ತನ್ನ ಟ್ರಾಕ್ಟರನಲ್ಲಿದ್ದ ಮರಳನ್ನು ನದಿಯಲ್ಲೆ ಡಂಪ ಎತ್ತಿ ಓಡಿ ಹೋದನು. ನಾವು ಟ್ಯಾಕ್ಟರ ಹತ್ತಿರ ಹೋಗುವಷ್ಟರಲ್ಲಿ ಟ್ಯಾಕ್ಟರದಲ್ಲಿದ್ದ ಮರಳು ಡಂಪ ಆಗಿ ಕೆಳಗೆ ಬಿದ್ದತ್ತು. ನಂತರ ನಾವು ಪಂಚರ ಸಮಕ್ಷಮ ಸದರಿ ಟ್ಯಾಕ್ಟರ ಹತ್ತಿರ ಹೋಗಿ ಚೆಕ್ ಮಾಡಿ ನೋಡಲು ಸ್ವರಾಜ ಕಂಪನಿಯ ಟ್ಯಾಕ್ಟರ ಇದ್ದು ಪಾಸಿಂಗ್ ನಂಬರ ಕೆಎ-28 ಟಿಡಿ-0371 ಅದರ ಚೆಸ್ಸಿ ನಂ WSCM-40906082943 ಅಂತ ಇರುತ್ತದೆ. ಟ್ಯಾಕ್ಟರ ಟ್ರೈಲಿಗೆ ನಂಬರ ಹಾಕಿರುವುದಿಲ್ಲ. ಟ್ರ್ಯಾಕ್ಟರ ಅಂದಾಜು ಕಿಮ್ಮತ್ತು 500000/- ರೂ ಆಗಬಹುದು. ನಂತರ ಸದರಿ ಟ್ರ್ಯಾಕ್ಟರನ್ನು  ಜಪ್ತಮಾಡಿಕೊಂಡು ಅಫಜಲಪೂರ ಠಾಣೆಗೆ ಬಂದು ಪ್ರಕರಣ ದಾಖಲಿಸಲಾಗಿದೆ.

ಅಫಜಲಪೂರ ಠಾಣೆ : ದಿನಾಂಕ 28-04-2019 ರಂದು ಶಿವೂರ ಗ್ರಾಮದ ಭೀಮಾ ನದಿಯಲ್ಲಿ ಅಕ್ರಮವಾಗಿ ಟ್ರಾಕ್ಟರದಲ್ಲಿ ಮರಳು ತುಂಬುತ್ತಿದ್ದಾರೆ ಎಂದು ಮಾಹಿತಿ  ಬಾತ್ಮಿ ಬಂದ ಮೇರೆಗೆ ಸಿಪಿಐ ಅಫಜಲಪೂರ ಹಾಗು ಸಿಬ್ಬಂದಿ ಮತ್ತು ಪಂಚರೊಂದಿಗೆ ಶೀವೂರ ಗ್ರಾಮದ ನದಿಯಲ್ಲಿ ಹೋಗಿ ನೋಡಲಾಗಿ ಭೀಮಾ ನದಿಯಲ್ಲಿ ಒಂದು ಟ್ಯಾಕ್ಟರದಲ್ಲಿ ಮರಳು ತುಂಬುತ್ತಿದ್ದರು, ಆಗ ನಾವು ಟ್ಯಾಕ್ಟರ ಹತ್ತಿರ ಹೋಗುತ್ತಿದ್ದಂತೆ ಸದರಿ ಟ್ಯಾಕ್ಟರ ಚಾಲಕ ನಮ್ಮನ್ನು ನೋಡಿ ತನ್ನ ಟ್ರಾಕ್ಟರನಲ್ಲಿದ್ದ ಮರಳನ್ನು ನದಿಯಲ್ಲೆ ಡಂಪ ಎತ್ತಿ ಓಡಿ ಹೋದನು. ನಾವು ಟ್ಯಾಕ್ಟರ ಹತ್ತಿರ ಹೋಗುವಷ್ಟರಲ್ಲಿ ಟ್ಯಾಕ್ಟರದಲ್ಲಿದ್ದ ಮರಳು ಡಂಪ ಆಗಿ ಕೆಳಗೆ ಬಿದ್ದತ್ತು. ನಂತರ ನಾವು ಪಂಚರ ಸಮಕ್ಷಮ ಸದರಿ ಟ್ಯಾಕ್ಟರ ಹತ್ತಿರ ಹೋಗಿ ಚೆಕ್ ಮಾಡಿ ನೋಡಲು ಜಾನಡೀಯರ ಕಂಪನಿಯ ಟ್ಯಾಕ್ಟರ ಇದ್ದು ಪಾಸಿಂಗ್ ನಂಬರ ಕೆಎ-32 ಟಿಬಿ-2896 ಅದರ ಚೆಸ್ಸಿ ನಂ IPY5050EAHA017642 ಅಂತ ಇರುತ್ತದೆ. ಟ್ಯಾಕ್ಟರ ಟ್ರೈಲಿಗೆ ನಂಬರ ಹಾಕಿರುವುದಿಲ್ಲ. ಟ್ರ್ಯಾಕ್ಟರ ಅಂದಾಜು ಕಿಮ್ಮತ್ತು 500000/- ರೂ ಆಗಬಹುದು. ನಂತರ ಸದರಿ ಟ್ರ್ಯಾಕ್ಟರನ್ನು  ಜಪ್ತಮಾಡಿಕೊಂಡು ಅಫಜಲಪೂರ ಠಾಣೆಗೆ ಬಂದು ಪ್ರಕರಣ ದಾಖಲಿಸಲಾಗಿದೆ.

ಸುಲಿಗೆ ಪ್ರಕರಣ :

ಆಳಂದ ಠಾಣೆ : ಶ್ರೀ  ಫಯಾಜ್ ತಂದೆ ಮಶಾಕ ಪಟೇಲ್ ಸಾ|| ಹಸನಾಪೂರ ತಾ|| ಜಿ|| ಕಲಬುರಗಿ ರವರು  ಕಲಬುರಗಿ ನಗರದ ಶ್ರೀ ಗಣೇಶ ಸೇಠ ರವರ ಲಾರಿ ನಂ ಕೆಎ 32 ಡಿ 1093 ನೇದ್ದರ ಮೇಲೆ ಲಾರಿ ಚಾಲಕ ಅಂತಾ ಸುಮಾರು ಒಂದು ವರ್ಷದಿಂದ ಕೆಲಸ ಮಾಡುತ್ತಾ ಬಂದಿದ್ದು ನಿನ್ನೆ ದಿನಾಂಕ 27/04/2019 ರಂದು ರಾತ್ರಿ 11-30 ಗಂಟೆಯ ಸುಮಾರಿಗೆ ನಾನು ಚಲಾಯಿಸುವ ಲಾರಿ ನಂ ಕೆಎ 32 ಡಿ 1093  ನೇದ್ದರಲ್ಲಿ ವಾಡಿ ಸಿಮೆಂಟ್ ಕಾರ್ಖಾನೆಯಿಂದ ನನ್ನ ಲಾರಿಯಲ್ಲಿ ಸಿಮೆಂಟ್ ತುಂಬಿಕೊಂಡು ವಾಡಿಯಿಂದ ಉಸ್ಮಾನಾಬಾದ ಕಡೆಗೆ ಆಳಂದ ಮಾರ್ಗವಾಗ ಹೋಗುತ್ತಿದ್ದಾಗ ತೆಲುಕುಣಿ ಚಡೌಣ ಹತ್ತಿರ ದಿನಾಂಕ 28/04/2019 ರಂದು ಅಂದಾಜು 02-00 ಎಎಮ್ ಸುಮಾರಿಗೆ ರೋಡಿನ ಮೇಲೆ ಎರಡು ಜನ ಅಪರಿಚಿತರು ಅವರ ಒಂದು ಕಪ್ಪು ಬಣ್ಣದ ನಂಬರ ಇಲ್ಲದ ಪಲ್ಸರ್ ಮೋಟಾರ ಸೈಕಲನ್ನು ನನ್ನ ಲಾರಿಗೆ ಅಡ್ಡಗಟ್ಟಿ ನಿಲ್ಲಿಸಿದರಿಂದ ನಾನು ನನ್ನ ಲಾರಿಯನ್ನು ರೋಡಿನ ಪಕ್ಕಕ್ಕೆ ನಿಲ್ಲಿಸಿದಾಗ ಸದರಿ ಎರಡು ಅಪರಿಚಿತ ಜನರು ಓಡಿ ನನ್ನ ಹತ್ತಿರ ಬಂದು ಕ್ಯಾಬಿನ್ ಪಕ್ಕದಲ್ಲಿ ನಿಂತು ಕಪ್ಪು ಬಿಳಿ ಮಿಶ್ರಿತ್ ಟಿ ಶರ್ಟ ಧರಿಸಿದ ವ್ಯಕ್ತಿ ನನಗೆ '' ಏ ರಾಂಡಕೇ ಕಿದರ ಜಾರೆ ನಿಚೇ ಉತರೋ ಪೈಸೇ ದೋ ಅಂದು ಬೈದು ಟೊಂಕದಲ್ಲಿದ್ದ ಬೆಲ್ಟ ತೆಗೆದು ಹೊಡೆದಿದ್ದು ಆಗ ನೀಲಿ ಗೆರೆಗಳುಳ್ಳ ಫುಲ್ ಶರ್ಟ ಧರಿಸಿದ ಇನ್ನೊಬ್ಬನು ''ತುಮಾರೆ ಪಾಸ ಜಿತನಾ ಭಿ ಹೈ ಉತನಾ ಪೈಸಾ ದೋ'' ಅಂತಾ ಒಂದು ಹರಿತವಾದ ಚಾಕುವನ್ನು ತೋರಿಸಿ ನನ್ನ ಜೇಬಿನಲ್ಲಿಟ್ಟಿದ್ದ 2800/- ರೂಪಾಯಿಗಳನ್ನು ಮತ್ತು ನನ್ನ ಕಲರ್ ಜಿರಾಕ್ಸವುಳ್ಳ ಡಿಎಲ್ ಪ್ರತಿಯನ್ನು ಜಬರದಸ್ತಿಯಿಂದ ಕಸಿದುಕೊಂಡಿರುತ್ತಾರೆ, ನಂತರ ಸದರಿ ಅಪರಿಚಿತ ವ್ಯಕ್ತಿಗಳು ಹಣ ತೆಗೆದುಕೊಂಡು ಸದರಿ ಮೋಟಾರ್ ಸೈಕಲ ಮೇಲೆ ಕುಳಿತುಕೊಂಡು ಓಡಿ ಹೋಗಿರುತ್ತಾರೆ, ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಆಳಂದ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  

ಅಪಘಾತ ಪ್ರಕರಣಗಳು :

ಸಂಚಾರಿ ಠಾಣೆ 02 : ದಿನಾಂಕ-27/04/2019 ರಂದು ರಾತ್ರಿ 10-45 ಗಂಟೆಯಿಂದ 11-15 ಗಂಟೆಯ ಸುಮಾರಿಗೆ  ಹಣಮಂತ ತಂದೆ ಸಿದ್ದಪ್ಪ ಇತನು ಹುಮುನಾಬಾದ ರಿಂಗ ರೋಡದಿಂದ ಆಳಂದ ಚೆಕ್ ಪೋಸ್ಟ ರೋಡಿನಲ್ಲಿ ಬರುವ ಕಸ್ತೂರಿ ದರ್ಶನಿ ಹೋಟೆಲ್ ಏದುರಿನ ರೋಡಿನಲ್ಲಿ ನಡೆದುಕೊಂಡು ರೋಡ್ ದಾಟುತ್ತಿದ್ದಾಗ ಯಾವುದೋ ಒಂದು ವಾಹನದ ಚಾಲಕ ಹುಮನಾಬಾದ ರಿಂಗರೋಡ ಕಡೆಯಿಂದ ತನ್ನ ವಾಹನವನ್ನು ಅತೀವೇಗವಾಗಿ & ಅಲಕ್ಷ್ಯತನದಿಂದ ಚಲಾಯಿಸಿಕೊಂಡು ಬಂದು ಹಣಮಂತ ಈತನಿಗೆ ಡಿಕ್ಕಿಪಡಿಸಿ ಆತನ ತಲೆಯ ಮೇಲಿಂದ ಟೈರ್ ಹಾಯಿಸಿ ವಾಹನ ಸಮೇತ ಚಾಲಕ ಓಡಿ ಹೋಗಿದ್ದು ಹಣಮಂತ ಈತನ ತಲೆಗೆ ಭಾರಿ ರಕ್ತಗಾಯವಾಗಿ ತಲೆ ಒಡೆದು ಮೆದಳು ಹೊರಗೆ ಬಂದು ಸ್ಥಳದಲ್ಲಿಯೆ ಮೃತಪಟ್ಟಿರುತ್ತಾನೆ. ಅಂತಾ ಶ್ರೀಮತಿ ಮಾಲಾಶ್ರೀ ಗಂಡ ಹಣಮಂತ ಜಟ್ಟೂರ ಸಾ : ಕೂಪನೂರ ತಾ : ಚಿಂಚೋಳಿ ಹಾ:ವ: ರಾಮನಗರ ಕಲಬುರಗಿ ರವರು ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಸಂಚಾರಿ ಠಾಣೆ 02 ರಲ್ಲಿ ಪ್ರಕರಣ ದಾಖಲಾಗಿದೆ.  

ಸಂಚಾರಿ ಠಾಣೆ 02 : ದಿನಾಂಕ 28.04.2019 ರಂದು ಮಧ್ಯಾಹ್ನ 4.30 ಗಂಟೆ ಸುಮಾರಿಗೆ ರಾಮ ಮಂದಿರ ದಿಂದ ಸೇಡಂ ರಿಂಗ ರೋಡನಲ್ಲಿ ಬರುವ ರೇಲ್ವೆ ಓವರ್ ಬ್ರೀಜ್ ಹತ್ತಿರದ ಕಾರ್ನರ ಹತ್ತಿರ ರೋಡ ಮೇಲೆ ವಜೀರ ಮಿಯಾ ಈತನು ತನ್ನ ಮೋಟಾರ ಸೈಕಲ ನಂ ಕೆಎ32 ಇಪಿ 0799 ನೇದ್ದರ ಮೇಲೆ ಹಿಂದುಗಡೆ ಶ್ರೀ ಮಹ್ಮದ ಜಬಿರೊದ್ದಿನ ತಂದೆ ಖಾಜಾಮಿಯಾ ಸಾಃ ದಾರಾಗಿರ ಏರಿಯಾ ತಾಃ ಬಸವಕಲ್ಯಾಣ ಜಿಃ ಬೀದರ ರವರನ್ನು ಕೂಡಿಸಿಕೊಂಡು ನಿಧಾನವಾಗಿ ಮೋಟಾರ ಸೈಕಲ್ ಚಲಾಯಿಸಿಕೊಂಡು ಹೋಗುತ್ತಿದ್ದಾಗ ಹಿಂದಿನಿಂದ ಜೀಪ ನಂಬರ ಕೆಎ 32 ಎಂ 8420 ನೇದ್ದರ ಚಾಲಕನು ಅತಿವೇಗದಿಂದ & ಅಲಕ್ಷತನದಿಂದ ತನ್ನ ವಾಹನವನ್ನು ಚಲಾಯಿಸಿಕೊಂಡು ಬಂದು ವಜೀರಮಿಯಾ ಈತನ ಮೋಟಾರ ಸೈಕಲಗೆ ಡಿಕ್ಕಿಪಡಿಸಿ ಅಪಘಾತ ಮಾಡಿ ಫಿರ್ಯಾಧಿಗೆ ಗಾಯಗೊಳಿಸಿ ವಜೀರಮಿಯಾ ಈತನ ತಲೆಗೆ ಭಾರಿಗಾಯಗೊಳಿಸಿ ಚಾಲಕ ವಾಹನ ಸಮೇತ ಓಡಿ ಹೋಗಿದ್ದು ವಜೀರ ಮಿಯಾ & ಫಿರ್ಯಾಧಿ ಇಬ್ಬರು ಉಪಚಾರ ಕುರಿತು ಬಸವೇಶ್ವರ ಆಸ್ಪತ್ರೆಗೆ ಸೇರಿಕೆ  ಆಗಿದ್ದು ವಜೀರ ಮಿಯಾ ಈತನು ಆಸ್ಪತ್ರೆಯಲ್ಲಿ ಉಪಚಾರ ಹೊಂದುತ್ತಾ ಉಪಚಾರ ಫಲಕಾರಿ ಆಗದೆ ದಿನಾಂಕಃ 29.04.2019 ರಂದು ಬೆಳಿಗ್ಗೆ 4.00 ಗಂಟೆಗೆ ಬಸವೇಶ್ವರ ಆಸ್ಪತ್ರೆಯಲ್ಲಿ ಮೃತಪಟ್ಟಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಸಂಚಾರಿ ಠಾಣೆ 02 ರಲ್ಲಿ ಪ್ರಕರಣ ದಾಖಲಾಗಿದೆ.

ಕಳವು ಪ್ರಕರಣ :

ಗ್ರಾಮೀಣ ಠಾಣೆ : ಶ್ರೀಮತಿ ಸವಿತಾ ಗಂಡ ಸುರೇಶ ಕಲಶೇಟ್ಟಿ ಸಾ: ರಟಕಲ್ ಹಾವ: ಲಕ್ಷ್ಮಿ ಗುಡಿ ಹತ್ತಿರ ರಾಮ ನಗರ ಕಲಬುರಗಿ ರವರು ದಿನಾಂಕ: 28/04/19 ರಂದು ಕಸಗಿಯಲ್ಲಿ ನಮ್ಮ ಸಂಬಂದಿಕರ ಮಧುವೆ ಇದ್ದ ಕಾರಣ ನಾನು ಮತ್ತು ನಮ್ಮ ತಾಯಿ ಮದುವೆಗೆ ಹೋಗುವ ಕುರಿತು ತಯರಾಗಿ ಆಳಂದ ಚೆಕ್ ಪೋಸ್ಟ್ ಹತ್ತಿರ ಹೋಗಿ ಬೆಳಿಗ್ಗೆ 09-00 ಗಂಟೆಯಿಂದ ಬೆಳಿಗ್ಗೆ 09-30 ಗಂಟೆಯವರಿಗೆ ಬಸ್ ಬರುವಿಕೆಗಾಗಿ ಕಾಯಿದು ನಂತರ 09-30 ಕ್ಕೆ ಆ ಮಾರ್ಗದ ಒಂದು ಬಸ್ ಬಂದಿದ್ದು ಅದರಲ್ಲಿ ನಾನು ಮತ್ತು ನನ್ನ ತಾಯಿ ಏರಿ ಸೀಟಿನಲ್ಲಿ ಕೂಡುವಾಗ ನನ್ನ ತಾಯಿ ಬಂಗಾರದ ಆಭರಣಗಳು ಇರುತ್ತವೆ ಇಲ್ಲಾ ಎಂದು ಚೆಕ್ಕ ಮಾಡು ಅಂತಾ ಹೇಳಿದಾಗ ನಾನು ನನ್ನ ವ್ಯಾನಿಟಿ ಬ್ಯಾಗ್ ಚೈನ್ ತೆರೆದು ನೋಡಲು ಅದರಲ್ಲಿಟ್ಟಿದ್ದ ಬಂಗಾರದ ಡಬ್ಬಿ ಮತ್ತು ಬಂಗಾರದ ಸಾಮಾನುಗಳು ಕಾಣಿಸಲಿಲ್ಲ. ದಿನಾಂಕ: 28/04/19 ರಂದು ಬೆಳಿಗ್ಗೆ 09-00 ಗಂಟೆಯಿಂದ ಬೆಳಿಗ್ಗೆ 09-30 ಗಂಟೆಯವರಿಗೆ  ಆಳಂದ ಚೆಕ್ ಪೋಸ್ಟ ಹತ್ತಿರ ಬಸ್ಸಿಗೆ ಕಾಯುತ್ತ ನಿತಿಂರುವಾಗ ಯಾರೋ ಕಳ್ಳರು ನನ್ನ ವ್ಯಾನಿಟಿ ಬ್ಯಾಗಿನಿಂದ 1) ಬಂಗಾರದ ತಾಳಿ ಸರ ಅ.ಕಿ. 35000/- ಮತ್ತು 2) ಎರಡು ಅರ್ದ ಅರ್ದ ತೊಲೆಯ ಸುತ್ತುಂಗುರಗಳು ಅ.ಕಿ. 10000/- ನೆದ್ದವು ಕಳ್ಳತನ ಮಾಡಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

KALABURAGI DISTRICT REPORTED CRIMES

ಮಟಕಾ ಜೂಜಾಟದಲ್ಲಿ ನಿರತವನ ಬಂಧನ :

ರಾಘವೇಂದ್ರ ನಗರ ಠಾಣೆ : ದಿನಾಂಕ 27.04.2019 ರಂದು ರಾಘವೇಂದ್ರ ನಗರ  ಠಾಣಾ ವ್ಯಾಪ್ತಿಯ ಯಂಕವ್ವನ ಮಾರ್ಕೇಟನಲ್ಲಿ ಒಬ್ಬ ವ್ಯಕ್ತಿ ಕೂಳಿತುಕೊಂಡು ರಸ್ತೆಯ ಮೇಲೆ ಹೋಗಿ ಬರುವವರಿಗೆ ಇದು ಬಾಂಬೆ ಮಟಕಾ ಇದೆ 1 ರೂಪಾಯಿಗೆ 80 ರುಪಾಯಿ ಬರುತ್ತದೆ ಅಂತ ಹೇಳುತ್ತಾ ಸಾರ್ವಜನಿಕರಿಂದ ಹಣ ಪಡೆದುಕೊಂಡು ಮಟಕಾ ಚೀಟಿ ಬರೆದುಕೂಡುತ್ತಿದ್ದಾರೆ ಅಂತ ಖಚಿತ ಬಾತ್ಮಿ ಮೇರೆಗೆ ಪಿ.ಎಸ್.ಐ. ರಾಘವೇಂದ್ರ ನಗರ ಠಾಣೆ ಹಾಗು ಸಿಬ್ಬಂದಿ ಮತ್ತು ಪಂಚರೊಂದಿಗೆ  ಯಂಕವ್ವನ ಮಾರ್ಕೇಟನಲ್ಲಿ ಹೋಗಿ ಮರೆಯಲ್ಲಿ ನಿಂತುಕೊಂಡು ನೋಡಲಾಗಿ ಒಬ್ಬ ವ್ಯಕ್ತಿ ಕುಳಿತುಕೊಂಡು ರಸ್ತೆಯ ಮೇಲೆ ಹೋಗಿ ಬರುವವರಿಗೆ ಇದು ಬಾಂಬೆ ಮಟಕಾ ಇದೆ 1 ರೂಪಾಯಿಗೆ 80 ರುಪಾಯಿ ಬರುತ್ತದೆ ಅಂತ ಹೇಳುತ್ತಾ ಸಾರ್ವಜನಿಕರಿಂದ ಹಣ ಪಟೆದುಕೊಂಡು ಮಟಕಾ ಚೀಟಿ ಬರೆದುಕೂಡುತ್ತಿರುವ ಬಗ್ಗೆ ಖಚಿತ ಪಡಿಸಿಕೊಂಡು ದಾಳಿ ಮಾಡಲು, ಮಟಕಾ ಬರೆಯಿಸಲು ಬಂದವರು ಓಡಿ ಹೋಗಿದ್ದು ಮಟಕಾ ಚೀಟಿಯನ್ನು ಬರೆದುಕೊಳ್ಳುತ್ತಿದ್ದವನನ್ನು ಹಿಡಿದುಕೊಂಡು ಅವನ ಹೆಸರು ವಿಳಾಸ ವಿಚಾರಿಸಲು ಸದರಿಯವನು ತನ್ನ ಹೆಸರು  ಶಿವಶರಣಪ್ಪ ತಂದೆ ಅರ್ಜುನ ಜಮಾದಾರ ಸಾ|| ತಂಬಾಕವಾಡಿ ತಾ|| ಆಳಂದ ಹಾ||ವ|| ಐವಾನ ಶಾಹಿ ವಸತಿ ಗೃಹ ಕಲಬುರಗಿ ಅಂತ ತಿಳಿಸಿದ್ದು ಸದರಿಯವನ ಅಂಗಶೋದನೆ ಮಾಡಲು ಸದರಿಯವನ ಹತ್ತಿರ 1) ನಗದು ಹಣ 1200 ರೂ  2) 2 ಮಟಕಾ ಬರೇದ ಚೀಟಿಗಳು ಅ:ಕಿ: 00 ಮತ್ತು 3) ಒಂದು ಬಾಲ ಪೇನ್ ಅ:ಕಿ: 00 ದೊರೆತಿದ್ದು ಸದರಿಯವುಗಳನ್ನು ಜಪ್ತಿ ಮಾಡಿಕೊಂಡು ಸದರಿಯವನೊಂದಿಗೆ ರಾಘವೇಂದ್ರ ನಗರ ಠಾಣೆಗೆ ಬಂದು ಪ್ರಕರಣ ದಾಖಲಿಸಲಾಗಿದೆ.  

ಅಪಘಾತ ಪ್ರಕರಣ :

ಸಂಚಾರಿ ಠಾಣೆ 01 : ಶ್ರೀಮತಿ  ನೀಲಮ್ಮಾ ರವರು ದಿನಾಂಕ 27.04.2019 ರಂದು ಬೆಳಿಗ್ಗೆ 8-00 ಗಂಟೆ ಸುಮಾರಿಗೆ ನಾನು ಮತ್ತು ನನ್ನ ಮಗನಾದ ಶಿವರುದ್ರ ಹಾಗೂ ನನ್ನ ಸೊಸೆಯಾದ ಮಂಗಲಾ ಮೂರು ಜನರು ಕಲಬುರಗಿ ಸಂಗಮೇಶ್ವರ ಆಸ್ಪತ್ರೆಯಲ್ಲಿ ಉಪಚಾರ ಕುರಿತು ಸೇರಿಕೆಯಾದ ನಮ್ಮ ಸಂಬಂದಿಕರನ್ನು ಮಾತನಾಡಿಸುವ ಸಲುವಾಗಿ ನಮ್ಮೂರಿನಿಂದ ಬಸ್ಸ ಮೂಲಕ ಕಲಬುರಗಿ ಕೇಂದ್ರ ಬಸ್ಸ ನಿಲ್ದಾಣಕ್ಕೆ ಬಂದು ಇಳಿದು ಬಸ್ಸ ನಿಲ್ದಾಣದ ಸಮೀಪ ಬರುವ ಸಂಗಮೇಶ್ವರ ಆಸ್ಪತ್ರೆ ಕಡೆಗೆ ನಡೆದುಕೊಂಡು ಹೋಗುವಾಗ ಸಂಗಮೇಶ್ವರ ಆಸ್ಪತ್ರೆಯ ಎದುರಿನ ರೋಡ ಮೇಲೆ ಮೋಟಾರ ಸೈಕಲ ನಂ ಕೆಎ-39/ಕೆ-1133 ನೇದ್ದರ ಸವಾರನು ಆರ.ಪಿ ಸರ್ಕಲ ಕಡೆಯಿಂದ ಕೇಂದ್ರ ಬಸ್ಸ ನಿಲ್ದಾಣ ಕಡೆಗೆ ಹೋಗುವ ಕುರಿತು ತನ್ನ ಮೋಟಾರ ಸೈಕಲನ್ನು ಅತಿವೇಗವಾಗಿ ಮತ್ತು ಅಲಕ್ಷತನದಿಂದ ಚಲಾಯಿಸಿಕೊಂಡು ಬಂದು ಎದುರಿನಿಂದ ನನಗೆ ಡಿಕ್ಕಿಪಡಿಸಿ ಅಪಘಾತ ಮಾಡಿ ನನಗೆ ಭಾರಿ ಗಾಯಗೊಳಿಸಿ ತನ್ನ ಮೋಟಾರ ಸೈಕಲ ಸಮೇತ ಓಡಿ ಹೋಗಿರುತ್ತಾನೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಸಂಚಾರಿ ಠಾಣೆ 01 ರಲ್ಲಿ ಪ್ರಕರಣ ದಾಖಲಾಗಿದೆ.

ದ್ವೀಚಕ್ರ ವಾಹನ ಕಳವು ಪ್ರಕರಣ :

ಗ್ರಾಮೀಣ ಠಾಣೆ : ಶ್ರೀ ಶೆಂಕ್ರೆಪ್ಪ ತಂದೆ ಶಾಮರಾವ ಬೋಳೆಗಾಂವ ಸಾ|| ಪ್ಲಾಟ್ ನಂ 104, ಲಕ್ಷ್ಮೀ ನಿಲಯ, ಜಾಧವ ಲೇಔಟ್, ಬಿದ್ದಾಪೂರ ಕಾಲೋನಿ, ಕಲಬುರಗಿ  ರವರು ದಿನಾಂಕ 26-04-2019 ರಂದು ತಮ್ಮ ದೈನಂದಿನ ಕೆಲಸ ಮುಗಿಸಿಕೊಂಡು ರಾತ್ರಿ 10-00 ಪಿಎಮ್ ಕ್ಕೆ ನನ್ನ ಹೀರೋ ಹಂಡಾ ಸ್ಪ್ಲೆಂಡರ್ ಪ್ಲಸ್ ಮೋಟರ್ ಸೈಕಲ್ ನಂ KA32 Y 6170  ನೆದ್ದು ನಮ್ಮ ಮನೆಯ ಕಂಪೌಂಡ ಒಳಗಡೆ ಲಾಕ್ ಮಾಡಿ ನಿಲ್ಲಿಸಿ, ಬೇಸಿಗೆ ಇದ್ದ ಕಾರಣ ಮನೆ ಛತ್ತಿನ ಮೇಲೆ ನಾನು ಮತ್ತು ನನ್ನ ಹೆಂಡತಿ ಮಲಗಿಕೊಂಡಿದ್ದು ಇರುತ್ತದೆ. ದಿನಾಂಕ 27-04-2019 ರಂದು 03-15 ಎ.ಎಮ್ ಸುಮಾರಿಗೆ ನಮ್ಮ ಮನೆಯ ಸುತ್ತ ಮುತ್ತ ಯಾರೋ ಚೀರಾಡುವುದು ಮತ್ತು ಕಳ್ಳರು ಬಂದಿದ್ದಾರೆಂದು ಗದ್ದಲ ಶಬ್ದ ಕೇಳಿ ನಾನು ಕೆಳಗೆ ಬಂದು ನೋಡಲು ನಮ್ಮ ಕಂಪೌಂಡದಲ್ಲಿದ್ದ ನನ್ನ ಹೀರೋ ಹಂಡಾ ಸ್ಪ್ಲೆಂಡರ್ ಪ್ಲಸ್ ಮೋಟರ್ ಸೈಕಲ್ ನಂ KA32 Y 6170     ನೆದ್ದು ಕಾಣಿಸಲಿಲ್ಲ ಯಾರೋ ಕಳ್ಳರು ಕಳ್ಳರನ ಮಾಡಿಕೊಂಡು ಹೋಗಿದ್ದು ಗೊತ್ತಾಯಿತು. ಮನೆಯ ಹೊರಗಡೆ ಬಂದು ವಿಚಾರ ಮಾಡಲು ನಮ್ಮ ಮನೆಯ ಹತ್ತಿರ ಇದ್ದ ಆನಂದ ಜೊಶಿ ಹಾಗೂ ನಮ್ಮ ಮನೆಯಲ್ಲಿ ಕಿರಾಯಿ ಇರುವ ಸುಧಾಕರ ಹಾಗೂ ರಾಘವೇಂದ್ರ ರವರ ಮನೆಗಳು ಕಳ್ಳತನವಾಗಿದ್ದು ಗೊತ್ತಾಯಿತು. ನನ್ನ ಕಳ್ಳತನವಾದ ಹೀರೋ ಹಂಡಾ ಸ್ಪ್ಲೆಂಡರ್ ಪ್ಲಸ್ ಮೋಟರ್ ಸೈಕಲ್ ನಂ KA32 Y 6170  ನೆದ್ದರ, ಅ.ಕಿ. 30,000/- ರೂ. ಇರುತ್ತದೆ.  ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಗ್ರಾಮೀಣ ಠಾಣೆಯಲ್ಲಿ  ಪ್ರಕರಣ ದಾಖಲಾಗಿದೆ.

ಕಳವು ಪ್ರಕರಣಗಳು :

ಗ್ರಾಮೀಣ ಠಾಣೆ : ಶ್ರೀ ರಾಘವೇಂದ್ರ ತಂದೆ ಮಲ್ಲಿನಾಥ ಜಮಾದಾರ  ಸಾ|| ಪ್ಲಾಟ್ ನಂ 100, ಜಾಧವ ಲೇಔಟ್, ಬಿದ್ದಾಪೂರ ಕಾಲೋನಿ, ಕಲಬುರಗಿ  ರವರು ದಿನಾಂಕ 25-04-2019 ರಂದು ನಾನು ನನ್ನ ಕಾರ್ಯಾಲಯದ ಕೆಲಸದ ನಿಮಿತ್ಯ ಬೆಂಗಳೂರಿಗೆ ಹೋಗುವ ಸಲುವಾಗಿ ತಯ್ಯಾರಾಗಿದ್ದು, ಮನೆಯಲ್ಲಿ ಹೆಣ್ಣು ಮಕ್ಕಳು ಆಗುವ ಕಾರಣ ನನ್ನ ಹೆಂಡತಿ ಹಾಗೂ ತಾಯಿಯವರು ಕೂಡಿ ಬೀಗರ ಮನೆಯಲ್ಲಿ ಬಿಟ್ಟು ನಾನು ಬೆಂಗಳೂರಿಗೆ 08-00 ಪಿಎಮ್ ಕ್ಕೆ ಹೋಗಿದ್ದು  ದಿನಾಂಕ 27-04-2019 ರಂದು ಬೆಳಿಗ್ಗೆ 09-00 ಗಂಟೆಗೆ ಬೆಂಗಳೂರಿನಿಂದ ಕಲಬುರಗಿಗೆ ಬಂದು ಮನೆಗೆ ಹೋಗಿ ನೋಡಲು ನಮ್ಮ ಮನೆಯ ಮುಖ್ಯ ದ್ವಾರಕ್ಕೆ ಹಾಕಿದ ಬಾಗಿಲ ಕೊಂಡಿ ಮುರಿದು ಬಿದ್ದುದ್ದು ನೋಡಿ ಗಾಬರಿಯಾಗಿ ಬಾಜು ಮನೆಯವರಾದ ವಿಜಯಕುಮಾರ ಪಾಟೀಲ ರವರಿಗೆ ಕರೆದುಕೊಂಡು ಮನೆಯ ಒಳಗೆ ಹೊಗಿ ನೋಡಲು ನಮ್ಮ ಬೆಡ್ ರೂಮಿನಲ್ಲಿದ್ದ ಟ್ರಜರಿ ಬಾಗಿ ಮುರಿದು ಒಳಗಡೆಯಿದ್ದ ಲಾಕರ್ ಮುರಿದು ಎಲ್ಲಾ ವಸ್ತುಗಳು ಚಲ್ಲಾಪಿಲ್ಲಿಯಾಗಿದ್ದು  ಟ್ರಜರಿಯಲ್ಲಿಟ್ಟ   ಬಂಗಾರದ ಆಭರಣಗಳು ಮತ್ತು ಬೆಳ್ಳಿಯ ಆಭರಣಗಳು ನಗದು ಹಣ ಹೀಗೆ ಒಟ್ಟು 1,13,000/- ಕಿಮ್ಮತ್ತಿನವುಗಳನ್ನು ಯಾರೋ ಕಳ್ಳರು ಕಳ್ಳತನ ಮಾಡಿಕೊಂಡು ಹೋಗಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  

ಗ್ರಾಮೀಣ ಠಾಣೆ : ಶ್ರೀ ಸುಧಾಕರ ತಂದೆ ನಾಗೇಂದ್ರಪ್ಪ ಹಾಗರಗಿ ಸಾ|| ಪ್ಲಾಟ್ ನಂ 104, ಲಕ್ಷ್ಮೀ ನಿಲಯ, ಜಾಧವ ಲೇಔಟ್, ಬಿದ್ದಾಪೂರ ಕಾಲೋನಿ, ಕಲಬುರಗಿ ರವರು  ದಿನಾಂಕ 26-04-2019 ರಂದು ನಮ್ಮ ಅಣ್ಣ ಮಲ್ಲಿಕಾರ್ಜುನ ಇವರ ಮನೆಯಲ್ಲಿ ಜವಳ ಕಾರ್ಯಕ್ರಮ ಇದ್ದ ಕಾರಣ ನಾನು ಮತ್ತು ನನ್ನ ಹೆಂಡತಿ ಕೂಡಿ ಬೆಳಿಗ್ಗೆ ನಮ್ಮ ಅಣ್ಣನ ಮನೆಗೆ ದತ್ತನಗರಕ್ಕೆ ಹೋಗಿದ್ದು ಇರುತ್ತದೆ. ರಾತ್ರಿ ಅಲ್ಲಿಯೇ ಉಳಿದಿರುತ್ತೇವೆ. ದಿನಾಂಕ 27-4-2019 ರಂದು 04-00 ಎ.ಎಮ್ ಕ್ಕೆ ನಮ್ಮ ಮನೆಯ ಮಾಲಿಕರಾದ ಶೆಂಕ್ರೆಪ್ಪ ತಂದೆ ಶಾಮರಾವ ಬೋಳೆಗಾಂವ ರವರು ಫೋನ್ ಮಾಡಿ ನಿಮ್ಮ ಮನೆಯ ಕೀಲಿ ಮುರಿದು ಯಾರೋ ಮನೆ ಕಳ್ಳತನ ಮಾಡಿದಂತೆ ಕಂಡು ಬರುತ್ತಿದೆ ಬೇಗ ಬನ್ನಿರಿ ಅಂತಾ ತಿಳಿಸಿದ ಮರೆಗೆ ನಾನು ಮತ್ತು ನನ್ನ ಹೆಂಡತಿ ಹಾಗೂ ನಮ್ಮಣ್ಣ ಮಲ್ಲಿಕಾರ್ಜುನ ಕೂಡಿ ಬಂದು ವಿಚಾರಿಸಲು ನಮ್ಮ ಮನೆ ಮಾಲಿಕರು ತಿಳಿಸಿದ್ದೇನೆಂದರೆ, ದಿನಾಂಕ 26-04-2019 ರಂದು ರಾತ್ರಿ 10-00 ಗಂಟೆಯವರೆಗೂ ನಾವು ಎಚ್ಚರ ಇದ್ದು, ನಿಮ್ಮ ಮನೆ ಕೀಲಿ ಹಾಕಿದ್ದು ಇರುತ್ತದೆ. ದಿನಾಂಕ 27-04-2019 ರಂದು 03-15 ಎ.ಎಮ್ ಸುಮಾರಿಗೆ ನಮ್ಮ ಮನೆಯ ಸುತ್ತ ಮುತ್ತ ಯಾರೋ ಚೀರಾಡುವುದು ಮತ್ತು ಕಳ್ಳರು ಬಂದಿದ್ದಾರೆಂದು ಗದ್ದಲ ಶಬ್ದ ಕೇಳಿ ನಾನು ಕೆಳಗೆ ಬಂದು ನೋಡಲು ನಮ್ಮ ಕಂಪೌಂಡದಲ್ಲಿದ್ದ ನನ್ನ ಹೀರೋ ಹಂಡಾ ಸ್ಪ್ಲೆಂಡರ್ ಪ್ಲಸ್ ಮೋಟರ್ ಸೈಕಲ್ ಕಳ್ಳತನವಾಗಿದ್ದು ಮತ್ತೆ ನಿಮ್ಮ ಮನೆಕಡೆ ನೋಡಲು ನಿಮ್ಮ ಮನೆಯ ಕೀಲಿ ಮುರಿದಿದ್ದು ಕಂಡು ಬಂದಿತು ಅಂತಾ ತಿಳಿಸಿದ್ದು ಇರುತ್ತದೆ. ನಾವು ಎಲ್ಲರೂ ಕೂಡಿ ಮನೆಯ ಒಳಗಡೆ ಹೋಗಿ ನೋಡಲು ನಮ್ಮ ಅಡುಗೆ ಮನೆಯಲ್ಲಿಟ್ಟ ಟ್ರಜರಿ ಲಾಕ್ ಮುರಿದು, ಅದರಲ್ಲಿಟ್ಟ ಬಂಗಾರದ ಮತ್ತು ಬೆಳ್ಳಿಯ ಆಭರಣಗಳು ಮತ್ತು ನಗದು ಹಣ ಹೀಗೆ ಒಟ್ಟು 1,71,000/- ಕಿಮ್ಮತ್ತಿನವುಗಳನ್ನು              ದಿನಾಂಕ 26-04-2019 ರಂದು ರಾತ್ರಿ  10-00 ಪಿ.ಎಮ್ ದಿಂದ ದಿನಾಂಕ 27-04-2019 ರಂದು 03-15 ಎ.ಎಮ್ ದ ಮದ್ಯದ ಅವಧಿಯಲ್ಲಿ ಯಾರೋ ಕಳ್ಳರು ನಮ್ಮ ಮನೆಯ ಕೀಲಿ ಮುರಿದು ಮನೆಯಲ್ಲಿದ್ದ ಟ್ರಜರಿ ಲಾಕರ್ ಒಡೆದು ಕಳ್ಳತನಮಾಡಿಕೊಂಡು ಹೋಗಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹಲ್ಲೆ ಪ್ರಕರಣ :

ರಾಘವೇಂದ್ರ ನಗರ ಠಾಣೆ : ಶ್ರೀ ಮೌನೇಶ ತಂದೆ ಶಿವಣ್ಣ ವಿಶ್ವಕರ್ಮ ಸಾ:ಮಾಣಿಕೇಶ್ವರಿ ಕಾಲೋನಿ ಕಲಬುರಗಿ ರವರು  ದಿನಾಂಕ:26/04/2019 ರಂದು  ಕೋಕಿಲಾ ಪರಮೇಶ್ವರಿ ಗುಡಿಯ ಹತ್ತಿರ ನಿಂತಿದ್ದಾಗ ನಮ್ಮ ಓಣಿಯಲ್ಲಿಯ ರಾಘು & ವಿಶಾಲ ಇವರುಗಳು ಐವೇಟರ್‌ ಎಕ್ಟೀವಾ ಮೇಲೆ ಬಂದವರೆ ಅವರಲ್ಲಿ ರಾಘು ಇತನು ನನ್ನ ಹತ್ತಿರ ಬಂದು ಮಗನೆ ನನಗೆ ಗುರಾಯಿಸಿ ನೋಡುವದು ಉಗಳುವುದು ಮಾಡುತ್ತಿಯಾ ಅಂದವನೆ ತನ್ನ ಕೈಯಲ್ಲಿದ್ದ ರಾಡಿನಿಂದ ಹೊಡೆಯಲು ಬಂದಾಗ ತಲೆ ಹೊರಳಿಸಿದ್ದು ಆಗ ನನ್ನ ತಲೆಯ ಹಿಂಬದಿಗೆ ರಾಡಿನ ಏಟು ಬಿದ್ದು ಒಳಪೆಟ್ಟಾಯಿತು. ನನ್ನ ಹಿಡಿದುಕೊಂಡು ರಾಘು ಇತನು ಗಾಡಿಯ ಮೇಲೆ ಒತ್ತಾಯ ಮಾಡಿ ಕೂಡಿಸಿ ತಾನು ನನಗೆ ಹಿಡಿದುಕೊಂಡು ನನ್ನ ಹಿಂದೆ ಕುಳಿತನು ವಿಶಾಲನು ಗಾಡಿ ನಡೆಸುತ್ತಾ ಸುಲ್ತಾನಪುರ ರಸ್ತೆಯ ಇಟ್ಟಂಗಿ ಭಟ್ಟಿಯ ಹತ್ತಿರ ನನ್ನನ್ನು ಇಳಿಸಿ ರಾಘು ಇತನು ರಾಡಿನಿಂದ ನನ್ನ ಬೆನ್ನ ಮೇಲೆ ಮೈ ಕೈಗೆ ಹೊಡೆಯ ಹತ್ತಿದ್ದು ನನಗೆ ಸುಮ್ಮನೆ ಯಾಕೆ  ಹೊಡೆಯುತ್ತಿರಿ ಬಿಡು ಅಂದರೆ ಇಲ್ಲಾ ನಿನ್ನ ಸೊಕ್ಕು ಬಹಳ ಇದೆ ನಮ್ಮ ತಂಟೆಗೆ ಬರದಂತೆ ಬುದ್ದಿ ಕಲಿಸುತ್ತೇವೆ ಅಂತಾ ಬೈಯುತ್ತಾ ರಾಡನಿಂದ ಮತ್ತೆ ಮತ್ತೆ ಹೊಡೆದನು. ವಿಶಾಲ ಇತನು ಮೈ ಕೈಗೆ ಗುದ್ದಿದನು ನಾನು ಚಿರಾಡುತ್ತಿರುವದನ್ನು ಕೇಳಿ ಇಟ್ಟಂಗಿ ಭಟ್ಟಿಯಲ್ಲಿ ಕೆಲಸ ಮಾಡುವವರು ಬಂದರು ಆಗ ಇವರಿಬ್ಬರೂ ನನಗೆ ಹೊಡೆಯುವದನ್ನು ಬಿಟ್ಟು ಗಾಡಿಯ ಮೇಲೆ ಹೋದರು. ಹೋಗುವಾಗ ಈ ಸಲ ಉಳಿದಿದಿ ಇನ್ನೊಮ್ಮೆ ನಮಗೆ ನೋಡಿದರೆ ಜೀವ ಸಹಿತ ಬಿಡುವದಿಲ್ಲಾ ಅಂತಾ ಬೈಯುತ್ತಿದ್ದರು. ನಂತರ ನಮ್ಮ ಅಣ್ಣ ದೇವರಾಜನಿಗೆ ಪೋನ ಮಾಡಿದಾಗ ನಮ್ಮ ಅಣ್ಣ ಬಂದು ಆಸ್ಪತ್ರೆಗೆ ಸೇರಿಕೆ ಮಾಡಿರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ರಾಘವೇಂದ್ರ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

KALABURAGI DISTRICT REPORTED C RIMES

ಹಲ್ಲೆ ಮಾಡಿ ಜಾತಿ ನಿಂದನೆ ಮಾಡಿದ ಪ್ರಕರಣ :

ಗ್ರಾಮೀಣ ಠಾಣೆ : ಶ್ರೀ ಮಲ್ಲಿಕಾರ್ಜುನ ತಂದೆ ದೇವಿಂದ್ರಪ್ಪಾ ಜವರಕರ್ ಸಾ|| ತಾಜಸುಲ್ತಾನಪೂರ ತಾ||ಜಿಲ್ಲಾ|| ಕಲಬುರಗಿ ರವರು ಕಲಬುರಗಿ ತಾಲ್ಲೂಕಿನ ತಾಜಸುಲ್ತಾನಪೂರ ಗ್ರಾಮದ  ಉನ್ನೀಪೀರ ದರ್ಗಾ ಹತ್ತಿರ ನಿನ್ನೆ ರಾತ್ರಿ 10-45 ಗಂಟೆ ದಿನಾಂಕ 25-04-2019 ರಂದು ಕಲಬುರಗಿ ಯಿಂದ ತಾಜಸುಲ್ತಾನಪೂರ ಗ್ರಾಮಕೆ ಹೋಗುವ ಸಂದರ್ಭದಲ್ಲಿ ನನ್ನ ವಾಹನ ತಡೆದು ಇದೇ ಗ್ರಾಮದ ನಿವಾಸಿಗಳಾದ ಜೊತೆಗೆ ರೌಡಿ ಶೀಟರಗಳಾದ ವಿನೋದ ತಂದೆ ವಿಠಲ ಸಂಘ ಮತ್ತು ಇವನ ಗೆಳೆಯ ಮೇಲ್ವರ್ಗದ ಕಲ್ಯಾಣಿ ತಂದೆ ಅಣ್ಣಪ್ಪಾ ಬಾಗೋಡಿ ಇಬ್ಬರೂ ಕೂಡಿಕೊಂಡು ಕುಡಿತದ ಅಮಲಿನಲ್ಲಿ ಕೈಯಿಂದ ತಲೆಗೆ ಹೊಡೆದದ್ದು ಇದರಿಂದ ತಲೆಯಿಂದ ರಕ್ತ ಸೋರಿದ್ದು ಅವಾಚ್ಯ ಶಬ್ದಗಳಿಂದ ನಿಂದಿಸಿ ಮತ್ತೆ ನನ್ನಲ್ಲಿದ್ದ ಮೊಬೈಲ್ ಜೊತೆಗೆ ಜೇಬಿನಲ್ಲಿದ್ದ 3500/- ರೂ ಕಸಿದುಕೊಂಡು ಕೇಳಲು ಹೋದರೆ ನನ್ನ ಹೊಟ್ಟೆಗೆ ಹತ್ತು ಹದುನೈದು ಬಾರಿ ಹೊಡೆದು ಕಾಲಿನಿಂದ ಒದ್ದಿರುತ್ತಾರೆ. ಜೊತೆಗೆ ಕಲ್ಯಾಣಿ ಎಂಬುವವನು ಇವನ ಕಾರಿನಿಂದ ಬಡಿಗೆ ತೆಗೆದು ಹೊಡೆದಿರುತ್ತಾರೆ ಜೊತೆಗೆ ಯಾರಿಗಾದರೂ ಹೇಳಿದರೆ ನಿನ್ನ ಜೀವ ತೆಗೆಯುತ್ತೇವೆ ಎಂದು ಜೀವ ಬೆದರಿಕೆ ಹಾಕಿರುತ್ತಾರೆ ಜೊತೆಗೆ ಕಲ್ಯಾಣಿ ಎಂಬುವವನು ಜಾತಿ ನಿಂದನೆ ಮಾಡಿರುತ್ತಾನೆ. ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  

ಅಸ್ವಾಭಾವಿಕ ಸಾವು ಪ್ರಕರಣಗಳು :

ದೇವಲಗಾಣಗಾಪೂರ ಠಾಣೆ : ಶ್ರೀಮತಿ ಬಸಮ್ಮ@ಪಾರ್ವತಿ ಗಂಡ ಈರಯ್ಯಾ ಗುಡ್ಡದಮಠ ಸಾ|| ಚಿಣಮಗೇರಾ ತಾ|| ಅಫಜಲಪೂರ ರವರ ಅಣ್ಣ ಕಲ್ಲಯ್ಯಾ ಇವರು ಉಪಜೀವನಕ್ಕಾಗಿ ಸೋಲಾಪೂರಕ್ಕೆ ಹೋಗಿ ವಾಸವಾಗಿದ್ದು ನನಗೆ ಚಿಣಮಗೇರಾ ಗ್ರಾಮಕ್ಕೆ ಮದುವೆ ಮಾಡಿ ಕೊಟ್ಟಿದ್ದು ಮತ್ತು ನನ್ನ ತಾಯಿ ಸುಮಾರು ಮೂರು ವರ್ಷಗಳ ಹಿಂದೆ ಮೃತಪಟ್ಟಿದ್ದು ನನ್ನ ತಂದೆ ಒಬ್ಬಂಟಿಯಾಗಿದ್ದರಿಂದ ನಮ್ಮ ಅಕ್ಕತಂಗಿಯರಲ್ಲಿ ಬಂದು ಇರುತ್ತಿದ್ದು ಅದೇ ರೀತಿ ನನ್ನ ಹತ್ತಿರ ಸಿದ್ರಾಮಯ್ಯ ಇವರು ಸುಮಾರು ನಾಲ್ಕು ತಿಂಗಳಿಂದ ನನ್ನ ಹತ್ತಿರ ಬಂದು ವಾಸವಾಗಿದ್ದು ಇರುತ್ತದೆ. ಹೀಗಿದ್ದು ನನ್ನ ತಂದೆ ಸ್ವಲ್ಪ ದಿವಸಗಳಿಂದ ತನ್ನಿಂದತಾನೆ ಮಾನಸಿಕ ಮಾಡಿಕೊಂಡಿದ್ದು ಮತ್ತು ಒಂದು ವರ್ಷದ ಹಿಂದೆ ಅವರ ಕಾಲು ಮುರಿದಿದ್ದು ಅದರ ತ್ರಾಸದಿಂದ ಮನನೊಂದು ನಾನು ಸತ್ತರ ಸರಿಯಾಗಿ ಆಗುತ್ತದೆ ಅಂತ ನನ್ನ ಮುಂದೆ ಅಂದಿದ್ದರಿಂದ ನಾವು ಅವರಿಗೆ ದೈರ್ಯ ಹೇಳಿದ್ದು ಇತ್ತು ಮತ್ತು ಇಂದು ದಿನಾಂಕ 25-04-2019 ರಂದು ನಮ್ಮೂರಲ್ಲಿ ಜಾತ್ರೆ ಇರುವುದರಿಂದ ನಾನು ಬೆಳಿಗ್ಗೆ 04-00 ಗಂಟೆಗೆ ಬೇಗನೆ ಎದ್ದು ದೇವರಿಗೆ ಹೋಗುವಾಗ ನನ್ನ ಮನೆಯಿಂದ ಉಸುಕಿನಲ್ಲಿ ನಮ್ಮ ತಂದೆ ಮಲಗಿದ್ದು ಅವರಿಗೆ ನಾನು ಎಬ್ಬಿಸಲು ಅವರು ಅರೇ ಪ್ರಜ್ಞಾ ಸ್ಥಿತಿಯಲ್ಲಿದ್ದು ನಾನು ನನ್ನ ಗಂಡ ಹಾಗೂ ನನ್ನ ತಂಗಿಯಾದ ಮಹಾನಂದ ಇವರೆಲ್ಲ ಕೂಡಿ ನೋಡಲಾಗಿ ನಮ್ಮ ತಂದೆ ಮಾತನಾಡಲಿಲ್ಲ ಅವರ ಬಾಯಿಂದ ಕ್ರಿಮಿನಾಶಕ ಔಷದಿ ವಾಸನೆ ಬಂದಿದ್ದರಿಂದ ನಾವು ಅವರನ್ನು 108 ವಾಹನದಲ್ಲಿ ಹಾಕಿಕೊಂಡು ಕಲಬುರಗಿ ಸರ್ಕಾರಿ ಆಸ್ಪತ್ರೆಗೆ ಸೇರಿಕೆ ಮಾಡಿದ್ದು ಸ್ವಲ್ಪ ಸಮಯದಲ್ಲಿ ನನ್ನ ತಂದೆ ಉಪಚಾರ ಫಲಕಾರಿಯಾಗದೆ ಇಂದು ದಿನಾಂಕ 25-04-2019 ರಂದು ಬೆಳಿಗ್ಗೆ 08-30 ಗಂಟೆ ಸುಮಾರಿಗೆ ಮೃತ ಪಟ್ಟಿರುತ್ತಾರೆ. ಕಾರಣ ನನ್ನ ತಂದೆಯ ಕಾಲು ಮುರಿದಿದ್ದರಿಂದ ದಿನನಿತ್ಯದ ಕೆಲಸ ನಿರ್ವಹಿಸಲು ತೊಂದರೆಯಾಗಿದ್ದರಿಂದ ಅದೆ ನೋವಿನಲ್ಲಿ ಜೀವನದಲ್ಲಿ ಜಿಗುಪ್ಸೆ ಹೊಂದಿ ದಿನಾಂಕ 24-04-2019 ರಾತ್ರಿ 8-00 ಗಂಟೆಯಿಂದ ದಿನಾಂಕ 25-04-2019 ರ ಬೆಳಗಿನ 04-00 ಗಂಟೆ ಮದ್ಯದ ಅವಧಿಯಲ್ಲಿ ಯಾವುದೋ ಕ್ರಿಮಿನಾಶಕ ಔಷದಿ ಸೇವನೆ ಮಾಡಿ ಮೃತ ಪಟ್ಟಿದ್ರುತ್ತಾರೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ದೇವಲಗಾಣಗಾಪೂರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  

ಅಶೋಕ ನಗರ ಠಾಣೆ : ದಿನಾಂಕ; 26.04.2019 ರಂದು ಶ್ರೀ ಶಿವರಾಯ ತಂದೆ ಮಲ್ಕಪ್ಪ ಶೇಳ್ಳಗಿಕರ ಸಾ: ಅಶೋಕ ನಗರ ಕಲಬುರಗಿ ರವರಿಗೆ 3 ಜನ ಗಂಡು ಮಕ್ಕಳು ಮತ್ತು 2 ಜನ ಹೆಣ್ಣು ಮಕ್ಕಳು ಇದ್ದು, ಗಂಡು ಮಕ್ಕಳ ಪೈಕಿ ಮಲ್ಲಿಕಾರ್ಜುನ ಇತನಿಗೆ ಕಳೆದ 3-4 ವರ್ಷಗಳಿಂದ ಸಕ್ಕರೆ ಕಾಯಿಲೆ ಬಂದಿದ್ದು ಇದರಿಂದ ಆತನಿಗೆ ಕಣ್ಣುಗಳು ಸರಿಯಾಗಿ ಕಾಣುತಿರಲಿಲ್ಲಾ, ಮತ್ತು ಎರಡು ಕಾಲುಗಳ ಪಾದಗಳಿಗೆ ಗಾಯವಾಗಿದರಿಂದ ಕಾಲುಗಳಿಗೆ ಹುಳಬಿದ್ದಿದ್ದು ಈ ಬಗ್ಗೆ ಆಸ್ಪತ್ರೆಯಲ್ಲಿ ಉಪಚಾರ ಮಾಡಿಸಿದರು ಕೂಡಾ ಕಾಲು ನೊವು ಕಡಿಮೆಯಾಗಿರುವುದಿಲ್ಲಾ. ದಿನಾಂಕ: 26.04.2019 ರಂದು ಮದ್ಯಾಹ್ನ 01-00 ಗಂಟೆಯ ಸುಮಾರಿಗೆ ನಾನು ನಮ್ಮ ಮಗನಿಗೆ ಮಾತ್ರೆಗಳು ತೆಗೆದುಕೊಂಡು ಬರುವ ಸಲುವಾಗಿ ಔಷದ ಅಂಗಡಿಗೆ ಹೋಗಿ ಮಾತ್ರೆಯನ್ನು ತೆಗೆದುಕೊಂಡು ಮದ್ಯಾಹ್ನ 01.30 ಗಂಟೆಗೆ ಮನೆಗೆ ಹೋದಾಗ ನಮ್ಮ ಮಗ ಮಲ್ಲಿಕಾರ್ಜುನ ಇತನು ಮೈಗೆ ಬೆಂಕಿ ಹಚ್ಚಿಕೊಂಡು ಚಿರಾಡುತ್ತಿದನು. ನಂತರ ನಾನು ಅವನಿಗೆ ಬೆಂಕಿ ಆರಿಸಲು ಪ್ರಯತ್ನಿಸಿ ಅವನನ್ನು ಉಪಚಾರ ಕುರಿತು ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ಕರೆದುಕೊಂಡು ಬಂದು ಸೇರಿಕೆ ಮಾಡಿ ಘಟನೆ ಬಗ್ಗೆ ವಿಚಾರಿಸಲು ಅವನು ತಿಳಿಸಿದೆನೆಂದರೆ, ಇಂದು ಮದ್ಯಾಹ್ನ 01.15 ಗಂಟೆಗೆ ನನಗೆ ಎರಡು ಕಾಲುಗಳು ವೀಪರಿತ ನೋವು ಆಗಲು ಪ್ರಾರಂಬವಾಗಿದ್ದರಿಂದ ಮನೆಯಲ್ಲಿದ್ದ ಸೀಮೆ ಎಣ್ಣೆಯನ್ನು ಕಾಲುಗಳ ಮೇಲೆ ಹಾಕಿದ್ದು ನಂತರ ನಾನು ಬೀಡಿ ಸೇದುವ ಸಲುವಾಗಿ ಕಡ್ಡಿ ಗೀಚಿದಾಗ ಆಕಸ್ಮಿಕವಾಗಿ ಬೆಂಕಿ ಹತ್ತಿದ್ದು ಇದರಿಂದ ನನ್ನ ಎರಡು ಕೈಕಾಲುಗಳಿಗೆ, ಮುಖಕ್ಕೆ ಗಾಗು ದೇಹದ ಇತರೆಡೆಗೆ ಬೆಂಕಿ ಹತ್ತಿದ್ದು ಇರುತ್ತದೆ. ಅಂತ ತಿಳಿಸಿದ್ದು ತಿಳಿಸಿರುತ್ತಾನೆ. ಇಲ್ಲಿ ಬಂದ ನಂತರ ನಮ್ಮ ಮಗ ಮಲ್ಲಿಕಾರ್ಜುನ ಇತನು ಉಪಚಾರ ಫಲಕಾರಿಯಾಗದೆ ಸಾಯಂಕಾಲ 06.00 ಗಂಟೆಗೆ ಆಸ್ಪತ್ರೆಯಲ್ಲಿ ಮೃತ ಪಟ್ಟಿದ್ದು ಇರುತ್ತದೆ. ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಅಧೋಕ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  

ಹಲ್ಲೆ ಪ್ರಕರಣ :

ರಾಘವೇಂದ್ರ ನಗರ ಠಾಣೆ : ಶ್ರೀ ಮನೋಜಕುಮಾರ ತಂದೆ ಮೈಲಾರಿ ನಾಟಿಕರ ಸಾ:ಬಸವಣಗುಡಿ ಕಟ್ಟೆ ಹತ್ತಿರ ಬೋರಾಬಾಯಿ ನಗರ ಕಲಬುರಗಿ ರವರು 7 ತಿಂಗಳ ಹಿಂದೆ ಚಂದಮ್ಮಾ ಗಂಡ ಶಂಕರ ಹರಗೆನವರ ಇವರ ಒಬ್ಬಳೆ ಮಗಳಾದ ಶರಣಮ್ಮಳ ಜೊತೆಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು ನನ್ನ ಅತ್ತೆಯವರಾದ ಚಂದಮ್ಮಾ ಹಾಗೂ ಅವರ ಅಣ್ಣ ನಮ್ಮ ಜನಾಂಗದ ರಾಣಪ್ಪ ಇತನ ಮಕ್ಕಳಾದ ಅನೀಲ ಹಾಗೂ ಶಿವಕುಮಾರ ಶ್ರೀಮಂತ ಇವರ ಅಳಿಯನಾದ ಆಕಾಶ ಇವರ ನಡುವೆ ಬೋರಾಬಾಯಿ ನಗರದಲ್ಲಿ ಬರುವ 15*30 ಖುಲ್ಲಾ ಜಾಗದಲ್ಲಿ ಅಂಗಡಿಯಿದ್ದು ಈ ಜಾಗಕ್ಕಾಗಿ ಆಗಾಗ ಅವರ ಮಧ್ಯೆ ಜಗಳವಾಗುತ್ತಿತ್ತು ನಾನು ಶರಣಮ್ಮಳ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡ ನಂತರ ಅವರು ವಿನಾಕಾರಣ ನನಗೆ ಜೀವ ಬೆದರಿಕೆ ಹಾಕುವದು ಹಾಗೂ ಜಗಳ ತೆಗೆಯುವದು ಮಾಡುತ್ತಿದ್ದರು ದಿನಾಂಕ:26/04/2019 ರಂದು 1.30 ಪಿ.ಎಂ ಸುಮಾರಿಗೆ ನಾನು ಮನೆಯಲ್ಲಿದ್ದಾಗ ಅನೀಲ, ಆಕಾಶ ಹಾಗೂ ಶಿವಕುಮಾರ ಮೂರು ಜನ ಬಂದವರೆ ಹೊಡಿರಲೇ ಈ ರಂಡಿ ಮಗನಿಗೆ ಅಂತಾ ಅನೀಲ ಇವನು ತನ್ನ ಕೈಯಲ್ಲಿದ್ದ ರಾಡದಿಂದ ನನ್ನ ತಲೆಗೆ ಹೊಡೆದನು. ಶಿವಕುಮಾರ ಇವನು ಕೈಯಿಂದ ನನ್ನ ಭುಜಕ್ಕೆ ಬೆನ್ನಿಗೆ ಹೊಡೆದನು. ಇವರಿಂದ ನಾನು ತಪ್ಪಿಸಿಕೊಂಡು ಓಡಿ ಹೋಗುವಾಗ ಆಕಾಶ ಇತನು ನನಗೆ ಗಟ್ಟಿಯಾಗಿ ಹಿಡಿದು ಓಡಿ ಹೋಗಲು ಬಿಡದೆ ಹೊಟ್ಟೆಗೆ ಬೆನ್ನಿಗೆ ಹೊಡೆದನು. ನನಗೆ ತಲೆಗೆ ಗಾಯವಾಗಿ ಮೂರ್ಛೇ ಹೋಗಿ ಬಿದ್ದಿದ್ದರಿಂದ ಸದರಿಯವರಿಂದ ನನ್ನ ತಾಯಿಯಾದ ಶಾರದಾಬಾಯಿ ಅಣ್ಣನಾದ ಅನೀಲ ನನ್ನ ಅತ್ತಿಗೆಯಾದ ರೇಶ್ಮಾ ಇವರು ಬಿಡಿಸಿದ್ದರಿಂದ ಅನೀಲ ಆಕಾಶ ಶಿವಕುಮಾರ ಓಡಿ ಹೋಗಿರುತ್ತಾರೆ. ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ರಾಘವೇಂದ್ರ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  

ಮಟಕಾ ಜೂಜಾಟದಲ್ಲಿ ನಿರತವನ ಬಂಧನ :

ಸೇಡಂ ಠಾಣೆ : ದಿನಾಂಕ 25/04/2019 ರಂದು ಸೇಡಂ ಪಟ್ಟಣದ ಛೋಟಿಗಿರಣಿ ಭಾಗ್ಯವಂತಿ ಗುಡಿ ಹತ್ತಿರ ಒಬ್ಬ ವ್ಯಕ್ತಿ ಸಾರ್ವಜನಿಕರಿಂದ ಹಣ ಪಡೆದು ಮಟಕಾ ಜೂಜಾಟ ಅಂತಾ ಬಾತ್ಮಿ ಬಂದ ಮೇರೆಗೆ ಶ್ರೀ ಸುನೀಲ್ ಕುಮಾರ ಮೂಲಿಮನಿ ಪಿ.ಎಸ.ಐ (ಕಾಸೂ) ಸೇಡಂ ಠಾಣೆ ಹಾಗು ಸಿಬ್ಬಂದಿ ಮತ್ತು ಪಂಚರೊಂದಿಗೆ ಸ್ಥಳಕ್ಕೆ ಹೋಗಿ ದಾಳಿ ಮಾಡಿ  ಒಬ್ಬನನ್ನು ಹಿಡಿದು ಅವನ ಹೆಸರು ವಿಳಾ ವಿಚಾರಿಸಲು ಸಂತೋಷ ತಂದೆ ಬಸವರಾಜ ಅಳ್ಳೊಳ್ಳಿ ಸಾ|| ಛೋಟಿಗಿರಣಿ ಸೇಡಂ ಅಂತಾ ತಿಸಿದ್ದು ಸದರಿಯವನಿಂದ ಜೂಜಾಟಕ್ಕೆ ಬಳಸಿದ ನಗರು ಹಣ 620/- ರೂ ಹಾಗು ಒಂದು ಮಟಕಾ ಚೀಟಿ , ಬಾಲಪೆನ್ನ ವಶಕ್ಕೆ ಪಡೆದು ಸದರಿಯವನೊಂದಿಗೆ  ಸೇಡಂ ಠಾಣೆಗೆ ಬಂದು ಪ್ರಕರಣ ದಾಖಲಿಸಲಾಗಿದೆ.

ಅಪಘಾತ ಪ್ರಕರಣಗಳು :

ಸಂಚಾರಿ ಠಾಣೆ 02 : ದಿನಾಂಕ-26/04/2019 ರಂದು ರಾತ್ರಿ 10-00 ಗಂಟೆಯಿಂದ 10-15 ಗಂಟೆಯ ಸುಮಾರಿಗೆ ಶ್ರೀಮತಿ ಅಂಬಮ್ಮ ತಂದೆ ಅಂಬಪ್ಪ @ ತುಳಜಪ್ಪ ಉರಕೂನ ಸಾ : ಚಿಂಚನಸೂರ  ಮಗ ರುದ್ರಪ್ಪ ಮತ್ತು ಸುನೀಲ ಪೂಜಾರಿ ತನ್ನ ಮೋಟಾರ ಸೈಕಲ ನಂ ಕೆಎ- 32 ಇಟಿ 5248 ನೇದ್ದರ ಮೇಲೆ ಮಾಡಬೂಳ ದಿಂದ ಕಲಬುರಗಿ ಕಡೆಗೆ ಹೋಗುತ್ತಿದ್ದಾಗ ಗೀತಾ ನಗರ ಕ್ರಾಸ್ ಹತ್ತಿರ ರೋಡ ಮೇಲೆ  ಎದುರಿನಿಂದ ಯಾವುದೋ  ಒಂದು  ವಾಹನದ ಚಾಲಕ  ತನ್ನ ವಾಹನವನ್ನು ಅತಿವೇಗವಾಗಿ ಮತ್ತು ಅಲಕ್ಷತನದಿಂದ ಚಲಾಯಿಸಿಕೊಂಡು ಬಂದು ಫಿರ್ಯಾದಿ ಮಗ ರುದ್ರಪ್ಪ ಮತ್ತು ಸನೀಲ ಪೂಜಾರಿ ಇವರು ಕುಳಿತು ಹೋಗುತ್ತಿದ್ದ ಮೋಟಾರ ಸೈಕಲಕ್ಕೆ ಡಿಕ್ಕಿ ಪಡಿಸಿ ಅಪಘಾತ ಮಾಡಿ ಸುನೀಲ ಪೂಜಾರಿ ಇತನಿಗೆ ಭಾರಿಗಾಯಗೊಳಿಸಿ ಫಿರ್ಯಾದಿ ಮಗನಾದ ರುದ್ರಪ್ಪ ಈತನಿಗೆ ಭಾರಿಗಾಯಗೊಳಿಸಿದರಿಂದ ಆತನು ಸ್ಥಳದಲ್ಲಿ ಮೃತ ಪಟ್ಟಿದ್ದು ವಾಹನ ಸಮೇತ ಚಾಲಕ ಓಡಿ ಹೋಗಿದ್ದು ಇರುತ್ತದೆ ಅಂತಾ ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಸಂಚಾರಿ ಠಾಣೆ 02 ರಲ್ಲಿ ಪ್ರಕರಣ ದಾಖಲಾಗಿದೆ.

ಸಂಚಾರಿ ಠಾಣೆ  02 : ದಿನಾಂಕ 26.04.2019 ರಂದು ಬೆಳಿಗ್ಗೆ ಶಶಿಕಾಂತ ಚೌಧ್ರಿ ಈತನು ಕಾರ್ ನಂಬರ ಕೆಎ 32 ಎನ್ 4604 ನೇದ್ದರಲ್ಲಿ ಶ್ರೀಮತಿ ವಿಜಯಲಕ್ಷ್ಮೀ ಕುಲಕರ್ಣಿ & ಅಶೊಕ ಕುಲಕರ್ಣಿ ಇವರಿಗೆ ಕೂಡಿಸಿಕೊಂಡು ಹುಮನಾಬಾದ ರಿಂಗ್ ರೋಡಿದಿಂದ ಮಹಾಗಾಂವ್ ರೋಡಕಡೆಗೆ ಹೋಗುವ ಕುರಿತು ಕಾರನ್ನು ಅತೀವೇಗವಾಗಿ & ಅಲಕ್ಷ್ಯತನದಿಂದ ಚಲಾಯಿಸಿಕೊಂಡು ಬಂದು ಒಮ್ಮಲೇ ಕಾರನ್ನು ಬಲಕ್ಕೆ ಚಲಾಯಿಸಿ ಅವರಾದ (ಬಿ) ಗ್ರಾಮದ ಹತ್ತಿರ ರಸ್ತೆ ಬದಿಯಲ್ಲಿ ನಿಂತಿರುವ ಲಾರಿ ನಂಬರ ಎಂಹೆಚ್ 26 ಇಡಿ 2198ನೇದ್ದಕ್ಕೆ ಡಿಕ್ಕಿಪಡಿಸಿ ಶ್ರೀಮತಿ ವಿಜಯಲಕ್ಷ್ಮೀ ಕುಲಕರ್ಣಿ & ಅಶೊಕ ಕುಲಕರ್ಣಿ ಇವರಿಗೆ ಭಾರಿಗಾಯಗೊಳಿಸಿ ತಾನೂ ಕೂಡಾ ಭಾರಿಗಾಯ ಹೊಂದಿ ಸ್ಥಳದಲ್ಲಿಯೆ ಮೃತಪಟ್ಟಿದ್ದು ಇರುತ್ತದೆ ಅಂತಾ ಶ್ರೀ ರಮೇಶ ತಂದೆ ಗೋಪಿನಾಥ ಚೌದರಿ ಸಾ : ಅರಣಕಲ್ ತಾ : ಚಿತ್ತಾಪೂರ ರವರು ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಸಂಚಾರಿ ಠಾಣೆ 02 ರಲ್ಲಿ ಪ್ರಕರಣ ದಾಖಲಾಗಿದೆ.

ಸೇಡಂ ಠಾಣೆ : ಶ್ರೀ ರವೀಂದ್ರ ತಂದೆ ಸಂಗಯ್ಯ ಸ್ವಾಮಿ  ಸಾ|| ಮಳಖೇಡ ತಾ|| ಸೇಡಂ  ರವರ ತಮ್ಮನಾದ ಭೀಮರಾಯ ತಂದೆ ಬಸವರಾಜ ಕೋಲ್ಲೂರ ಸಾ|| ಮಳಖೇಡ  ಇತನು ದಿನಾಂಕ 23/04/2019 ರಂದು 5-30 ಗಂಟೆಗೆ ಲಾರಿ ನಂ ಕೆಎ-32 ಬಿ-2698 ನ್ನೇದ್ದರಲ್ಲಿ ಮಣ್ಣು ತುಂಬಿಕೊಂಡು   ಚಿಂಚೋಳಿ ಸೇಡಂ ರೋಡಿನಲ್ಲಿ ಹೊರಟಾಗ ಸುರವಾರ ಗೇಟ ಸ್ವಲ್ಪ ಮುಂದೆ ತನ್ನ ಲಾರಿ ಚಾಲಕನು ಲಾರಿಯನ್ನು ಅತೀ ವೇಗ ಹಾಗೂ ಅಲಕ್ಷತನದಿಂದ ಅಡ್ಡಾದಿಡ್ಡಿಯಾಗಿ ನಡೆಸಿ ರೋಡಿನ ತಗ್ಗಿನಲ್ಲಿ ಒಮ್ಮೆಲೆ ಅಪಘಾತ ಪಡೆಸಿ ಲಾರಿಪಲ್ಟಿ ಮಾಡಿದ್ದು ಇರುತ್ತದೆ. 

ಅತ್ಯಾಚಾರ ಮಾಡಲು ಪ್ರಯತ್ನಿಸಿದ ಪ್ರಕರಣ :

ಕಮಲಾಪೂರ ಠಾಣೆ : ದಿನಾಂಕ-25/04/2019 ರಂದು 6-00 ಪಿಎಮ್ ಕ್ಕೆ ಕುಮಾರಿ ಇವರು ತಮ್ಮ ಗ್ರಾಮದಲ್ಲಿ ವಾಸವಾಗಿರುವ ವೀರಭದ್ರ ತಂದೆ ರಾಚಯ್ಯಾ ಸ್ವಾಮಿ ವಯ|| 20 ಜಾ|| ಜಂಗಮ, ಈತನು ಒಂದು ವರ್ಷದ ಹಿಂದೆ ಪರಿಚಯವಾಗಿದ್ದು. ಇಬ್ಬರೂ ಫೋನಿನಲ್ಲಿ ಮಾತನಾಡುತ್ತಿದ್ದೇವು. ನಂತರ ಈಗ 10 ತಿಂಗಳಿಂದ ಇಬ್ಬರು ಪರಸ್ಪರ ಪ್ರೀತಿ ಮಾಡತೊಡಗಿದೇವು. ನಾನು ಆಗಾಗ ಫೋನಿನಲ್ಲಿ ನಮ್ಮ ಮನೆಯವರಿಗ ಗೊತ್ತಾಗದ ಹಾಗೆ ಮಾತನಾಡುತ್ತಿದ್ದೇವು. ಆತನು ನನಗೆ 21 ವರ್ಷ ನಿನಗೆ 18 ವರ್ಷ ತುಂಬಿದ ನಂತರ ಮನೆಯವರಿಗೆ ಹೇಳಿ ಮದುವೆ ಮಾಡಿಕೊಳ್ಳೋಣ ಅಂತಾ ಹೇಳಿದರಿಂದ ನಾವು ಪ್ರೀತಿಸುವ ವಿಷಯವನ್ನು ಯಾರಿಗೂ ತಿಳಿಸದೇ ಗುಪ್ತವಾಗಿಟ್ಟಿರುತ್ತೇವೆ. ಹಾಗೆ ನಾವು ಮಾತನಾಡುತ್ತಾ ಬರುತ್ತಿದ್ದೆವು. ಹೀಗಿದ್ದು, ಹೋದ ತಿಂಗಳ ದಿನಾಂಕ: 07/03/2019 ರಂದು ಸಾಯಂಕಾಲ 4;00 ಪಿ.ಎಮ್ ಕ್ಕೆ ಮೂತ್ರ ವಿಸರ್ಜನೆಗೆ ಹೋಗಿ ಮರಳಿ ನಾನು ನಮ್ಮ ಮನೆ ಕಡೆಗೆ ಬರುತ್ತಿದ್ದಾಗ ವೀರಭದ್ರಯ್ಯ ಇತನು ರಸ್ತೆಯಲ್ಲಿ ಬೇಟಿಯಾಗಿ ನನಗೆ ನಿನ್ನ ಹತ್ತಿರ ಮಾತನಾಡುವದಿದೆ ಸಾಯಂಕಾಲ 6:00 ಗಂಟೆಗೆ ನಲಂದ ಶಾಲೆಯ ಹಿಂದಿರುವ ಖುಲ್ಲಾ ಜಾಗೆಯ ಕಡೆಗೆ ಬಾ ಅಂತಾ ಹೇಳಿದನು. ನಾನು ಮನೆಯಲ್ಲಿ ನನ್ನ ಗೆಳತಿಯ ಮನೆಗೆ ಹೋಗಿ ಬರುತ್ತೇನೆ ಅಂತಾ ಹೇಳಿ ನಾನು 6:00 ಪಿ.ಎಮ್ ಕ್ಕೆ ನಲಂದ ಶಾಲೆಯ ಹಿಂದೆ ಇರುವ ಖುಲ್ಲಾ ಜಾಗದಲ್ಲಿ ಹೋದಾಗ ಅಲ್ಲಿ ವೀರಭದ್ರನು ಇದ್ದನು. ನಾವು ಮಾತನಾಡುತ್ತಿದ್ದಾಗ ವೀರಭದ್ರಯ್ಯನು ನನ್ನ ಮೈ ಕೈ ಮುಟ್ಟತೊಡಗಿದನು ಆಗ ನಾನು ಆತನಿಗೆ ಈ ರೀತಿ ಮಾಡುವುದು ಬೇಡ ಅಂತಾ ಅಂದಾಗ ಆತನು ನಾವು ಪ್ರೀತಿಸುತ್ತಿದ್ದು ಮದುವೆ ಮಾಡಿಕೊಳ್ಳುವವರಿದ್ದು ಏನಾಗುತ್ತದೆ ಅಂತಾ ಹೇಳಿ ನನ್ನ ಮೇಲೆ ಒತ್ತಾಯ ಪೂರ್ವಕವಾಗಿ ಕೈ ಹಿಡಿದು ಬಲತ್ಕಾರ ಮಾಡಲು ಪ್ರಯತ್ನಿಸಿದನು. ಆಗ ನಾನು ಜೋರಾಗಿ ಚೀರಿಕೊಂಡು, ಅವನಿಂದ ಕೈ ಬಿಡಿಸಿಕೊಂಡು ಮರಳಿ ಮನೆಗೆ ಬಂದಿರುತ್ತೇನೆ. ಈ ವಿಷಯವನ್ನು ನಾನು ನಮ್ಮ ಮನೆಯ ಮರ್ಯಾದೆಗೆ  ಅಂಜಿ ನಮ್ಮ ತಂದೆತಾಯಿ ರವರ ಮುಂದೆ ಹೇಳಿರುವದಿಲ್ಲ. ನಿನ್ನೆ ದಿನಾಂಕ 24/04/2019 ರಂದು ಸಾಯಂಕಾಲ 5-00 ಪಿಎಮ್ ಕ್ಕೆ ನಮ್ಮ ಮನೆಯ ಕಡೆಗೆ ಬರುತ್ತಿರುವಾಗ, ರಸ್ತೆಯ ಮೇಲೆ ವೀರಭದ್ರನು ಸಿಕ್ಕು, ನಿನಗೆ ನಾನು ಪ್ರೀತಿ ಮಾಡುತ್ತಾ ಬರುತ್ತಿರುತ್ತೇನೆ. ನೀನು ಹೋದ ತಿಂಗಳು ಶಾಲೆಯ ಹತ್ತಿರ ಬಂದು ಮಾತನಾಡುವಾಗ, ನನಗೆ ಸಪೋರ್ಟ ಮಾಡಿರುವುದಿಲ್ಲ, ಈಗ ಮುಂದೆ ಸಿಕ್ಕಾಗಲಾದರು ನಾನು ಹೇಳಿದಂತೆ ನನಗೆ ಸಪೋರ್ಟ ಮಾಡು, ಇಲ್ಲದಿದ್ದರೆ ನಿನಗೆ ನೋಡು ಹೇಗೆ ಮಾಡುತ್ತೇನೆ, ನಿನ್ನ ಜೀವನ ಸುಗಮವಾಗಿ ಸಾಗಲು ಬಿಡುವುದಿಲ್ಲ. ಅಲ್ಲದೆ ನಿನ್ನ ತಂದೆ, ತಾಯಿಯವರ ಮರ್ಯಾದೆಯಿಂದ ಬೇರೆಯವರಿಗೆ ಮುಖ ತೋರಿಸದಂತೆ ಮಾಡುತ್ತೇನೆ ಅಂತ ಹೆದರಿಸಿ ಹೋದನು. ನಿನ್ನೆಯಿಂದ ನಾನು ದುಃಖದಲ್ಲಿಯೆ ಇದ್ದು, ಇಂದು ನನಗೆ ದುಃಖ ತಾಳದೆ ಮನೆಯಲ್ಲಿ ಅಳುತ್ತಾ ಕುಳಿತುಕೊಂಡಾಗ, ನಮ್ಮ ತಂದೆತಾಯಿರವರು ನೋಡಿ, ಯಾಕೆ ಅಳುತ್ತಿದ್ದಿ ಅಂತಾ ಕೇಳಿದಾಗ, ನಾನು ಅಳುತ್ತಲೆ ಆದ ಘಟನೆಗಳ ವಿಷಯವನ್ನು ಅವರಿಗೆ ತಿಳಿಸಿರುತ್ತೇನೆ. ಆಗ ನಮ್ಮ ತಂದೆ-ತಾಯಿರವರು ನನಗೆ ದೈರ್ಯ ತುಂಬಿದ್ದರಿಂದ ನಾನು ಆತನ ಮೇಲೆ ಕೇಸು ಮಾಡಲು, ನಮ್ಮ ತಂದೆ ತಾಯಿಯವರೊಂದಿಗೆ ಬಂದು ದೂರು ನೀಡುತ್ತಿದ್ದು. ನನ್ನ ಮೇಲೆ ಬಲತ್ಕಾರ ಮಾಡಲು ಪ್ರಯತ್ನಿಸಿ, ಜೀವ ಬೆದರಿಕೆ ಹಾಕಿರುವ ವೀರಭದ್ರ ತಂದೆ ರಾಚಯ್ಯಾ ಸ್ವಾಮಿ ಈತನ ಮೇಲೆ ಕಾನೂನು ಕ್ರಮ ಜರುಗಿಸಬೇಕೆಂದು ಸಲ್ಲಿಸಿದ ದೂರು ಸಾರಾಂಶದ ಮೇಲಿಂದ ಕಮಲಾಪೂರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.